Кăçал чăваш поэзийĕн классикĕ Çеçпĕл Мишши çуралнăранпа 120 çул çитет. Йĕпреç районĕнчи чăваш чĕлхи вĕрентекенĕсем Çеçпĕл Мишши çуралса ӳснĕ тăрăхра экскурсире пулчĕç. Учительсене музей ĕçченĕсем тарават кĕтсе илчĕç. Музей ертӳçи Çеçпĕл Мишши пурнăçĕ çинчен каласа кăтартрĕ. Учительсем тĕрлĕ экспонатсемпе паллашрĕç. Ун хыççăн вĕрентекенсем Çеçпĕл ялĕнчи вăтам шкулта пулса курчĕç. Çавра сĕтел хушшинче Лидия Ивановна Филиппова çыравçăпа тĕл пулчĕç, тĕрлĕ ыйтусем хускатса калаçусем ирттерчĕç. Экскурси пурне те килĕшрĕ. Çеçпĕл Мишшине халăх нихăçан та манмасть, унăн ырă ячĕ яланах асра. Эпир унпа мухтанатпăр, вăл пирĕн чăваш поэзийĕн классикĕ пулнишĕн савăнатпăр.