Чăваш Республикин вĕренÿ институчĕ 2018 çулхи чÿк уйăхĕн 15-мĕшĕнче чăваш чĕлхи, литератури тата культурипе «Пĕтĕм чăваш ачисен интернет олимпиади» ирттерчĕ.

Олимпиадăна 6–7-мĕш классенче вĕренекенсем хутшăнчĕç. Шкул ачисем хаваспах олимпиадăн ыйтăвĕсене пурнăçларĕç.

Олимпиадăн тĕллевĕсемпе задачисем çаксем пулчĕç:

– чăваш чĕлхине тата литературине вĕреннин пĕлтерĕшне ÿстересси;

– вĕренекен ачасене халăх культурипе, ăс-хакăлĕпе, шухăш-кăмăл пуянлăхĕпе паллаштарасси;

– шкул ачисене чăваш чĕлхипе, литературипе тата культурипе тĕпчев ĕçне явăçтарасси;

– интернет технологийĕсемпе вĕренÿре усă курас хăнăхăва малалла аталантарасси.