Ака уйăхĕн 25-мĕшĕнче пĕтĕм тĕнче чăваш чĕлхи кунне паллă тăвать. Йăлана кĕнĕ тăрăх, эпир çак кун чăваш халăхĕн çĕнĕ çырулăхне, наци шкулне никĕсленĕ Иван Яковлевич Яковлева аса илетпĕр.

Пирĕн шкулта та И.Я. Яковлев çуралнăранпа 175 çул çитнине халалланă уяв иртрĕ. Шкул çумĕнчи ача садĕнчи ачасем сăвăсем каларĕç, «Тух-ха, Ванюк, урама» юрра шăрантарчĕç. Кĕçĕн классенчи ачасем ача-пăча вăййисемпе савăнтарчĕç, И.Я. Яковлев калавĕсене выляса кăтартрĕç.

Аслăрах классенчи ачасем чăваш юррисене юрларĕç, инсценировкăсем лартса куракансене савăнтарчĕç.

Ачасен  чăваш тумĕ куçа илĕртрĕ, чуна савăнтарчĕ. Пурте уявпа кăмăллă юлчĕç.