Тĕнче литературинче сумлă ят хăварнă чăваш халăх поэчĕ Петр Петрович Хусанкай çуралнăранпа 110 çул çитет.Çавна май Йĕпреç  районĕнчи Энтриел тĕп шкулĕнче вĕренекенсем  библиотекăра кĕнекесен выставки йĕркелерĕç тата хаçат кăларчĕç. 9 класра вĕренекен Андреева Карина  «Чăваш Республикин учителĕсен ассоциацйĕ» общество организацийĕн чăваш чĕлхипе литератури вĕрентекенсен секцийĕ «Тантăш» хаçатпа пĕрле вилĕмсĕр поэта чысласа хатĕрленĕ пултарулăх ăмăртăвне хутшăнса ал çыруне «Тантăш» хаçат редакцине ярса пачĕ. Халĕ ачасем тăрăшсах «Хастарлăх çăлкуçĕ» видеосăвăсен инçет конкурсне хатĕрленеççĕ.