Нарăс уйăхĕн 11- мĕшĕнче  Йĕпреçри хушма пĕлÿ паракан «Ача-пăча пултарулăх центрĕнче» çамрăксен «Николаев вулавĕсем» конкурс иртрĕ . Кăçалхипе ку конкурс 10 – мĕш хут иртет. Конкурса  хамăран паллă ентеш – икĕ хутчен Совет Союзĕн Геройĕ А.Г.Николаев лётчик-космонавт ‒ тĕнче уçлăхне вĕçсе кайнăранпа  55 çул çитнине халалланă.  Конкурс  5 номинаципе иртрĕ. Унта пурĕ 19 ача хутшăнчĕ. Пирĕн шкулти 9-мĕш класра вĕренекен Карина Андреева «Пултарулăх конкурсĕ» секцие хутшăнса сăвă вулакансен конкурсĕнче 1-мĕш выран çĕнсе илме пултарчĕ. Унăн ĕçне жюри членĕсем пурте пĕр кăмăллă пулса чи пысăк балсем лартса хакларĕç. Халĕ Каринăн  çак конкурсăн иккĕмĕш тапхăрне ( ĕçсене суйласа илмелли тапхăр) хатĕрленес пулать. Вăл пуш уйăхĕн 13-20-мĕш числисенче Шупашкарта пулать.  Унăн ĕçне суйласа илсен вара 3-мĕш тапхара хутшăнмалла пулать. Республика шайĕнчи конкурс пуш уйăхĕн 28-мĕшенче Шупашкарта пулать. Ăнăçу сунатпăр сана, Карина!