Паян 5 класра грамматика вăййисем иртрĕç. Чи малтанах вĕренекенсем чăваш сăвăçисен чăваш чĕлхи çинчен каланă хитре те ытарлă сăввисемпе паллаштарчĕç. Унтан ачасем хăйсен пултарулăхне грамматика вăййисенче кăтартса пачĕç. Ăмăртура И.Я.Яковлев пурнăçĕпе пултарулăхне те уçса пачĕç. Антонимсен, синонимсен ташшинче те хутшăнчĕç, фразеологизмсене ăнлантарчĕç, çухалнă рифмăсене, тупмалли юмахсен тупсăмĕсене тупрĕç. Вăйăсенче ачасем хăйсен пысăк тавракурăмне кăтартма пултарчĕç.

И.Я.Яковлева халалласа кĕçĕн класс ачисемпе «Кам тавçăруллăрах?» викторина –ăмăрту иртрĕ. Малтан кĕçĕн классемпе ĕçлекен Иванова В.А. чăваш халăхне çутта кăларакан çинчен кĕскен каласа пачĕ. Унтан 2 класс ачисем И.Я.Яковлев хатĕрленĕ букварьтен илнĕ калавсене выляса пачĕç. Юлашкинчен викторина иртрĕ. Уйрăмах 2 –мĕш класс ачисем викторина отвечĕсене тĕрĕс  те туллин ответлерĕç. Маттур, ачасем!