Паян чăваш чĕлхи кунне, Раççейри Тăван çĕр-шыв хӳтĕлевçин çулталăкне тата Чăваш Енри Çĕнтерӳпе  патриотлăх çулталăкне халалланă «Пĕтĕм чăваш диктанчĕ – 2025» акци иртрĕ. Диктант текстне чăваш халăх писателĕ Василий Алентей çырни тăрăх йĕркеленĕ. Акцин тĕп тĕллевĕ – халăха чăваш чĕлхине вĕренме явăçтарасси, пуплев культурин шайне çĕклесси, чăваш чĕлхин пĕлтерĕшне Чăваш Республикинче, Раççей Федерацийĕн регионĕсенче тата чикĕ леш енче сарасси, чăваш чĕлхин пĕлтерĕшне, сумĕпе хисепне ӳстересси. Çaк акцие пирĕн шкулти вĕренекенсем те, вĕрентекенсем те тăван чĕлхене, чăваш халăх культурипе историне мĕнле шайра пĕлнине тĕрĕслес тĕллевпе хастар хутшăнчĕç.