Ака уйǎхӗн 20-мӗшӗнче Хурамалти пӗтӗмӗшле пӗлӳ паракан вǎтам шкулта тăван чĕлхепе литературăна вĕрентекенсен район шайĕнчи «Чăваш чĕлхипе литератури. Уçă урок – 2017» 4-мĕш фестивалĕ иртрӗ. Фестиваль шкулти чăваш чĕлхипе литератури учителĕсен квалификацине ÿстермелли тĕп мел пулса тăчӗ.

Чǎваш чӗлхипе литературине вӗрентекенсем Ҫемен Элкерӗн «Пуян чǎваш вǎрманӗ» хайлавӗнчи паллǎ ячӗсен пӗлтерӗшӗ», « Лексикǎна вӗренннине пӗтӗмлетни», «Валери. Туркай. «Айǎп» уҫǎ уроксене итлерӗҫ, Хумма Ҫеменӗн «Шишка» хайлавӗ тǎрǎх йӗркеленӗ класс тулашӗнчи мероприятие пǎхрӗҫ. Вӗрентекенсем хǎйсен педагогика ӗҫӗнче тата методикăра усǎ куракан çĕнĕ (тухăçлă) мелсемпе, меслетсемпе паллаштарчӗҫ.

Йӗпреҫ район администрацийӗн вӗрентӳ пайӗн информаципе методика центрӗн методисчĕ Игнатьева А.А. ҫĕнтерÿçĕсене (Пучинке вăтам шкулěнчи Л.Н. Клементьевăпа Е.М.Михайлована), призёрсене: Л.П.Школьникована (Эйпеçри вăтам шкул), Л.Н.Никифорована (Энтриелĕнчи тĕп шкул), О.Н. Анисимовапа Г.В.Григорьевана( Кĕлĕмкасси вăтам шкулĕ) сертификатсем тата дипломсем парса чысларӗ, малашнехи ӗҫре ҫӗнӗ ҫитӗнӳсем тума сунчӗ.