Ака уйăхĕн 26-мĕшĕнче, юнкун, ачасем кĕтнĕ юмах кунĕ çитрĕ. 4 класра вĕренекенсем Иванова Василиса Аркадиевна ертсе пынипе « Чечеклĕ кăмпа» юмах лартса пачĕç. «Пĕчĕк артистсем» чăннипех лайăх хатĕрленнĕ. Тумĕсем те, юмах валли хатĕрленĕ музыки те, декорации те – пурте килĕшÿллĕ. Анюк рольне Борисова Вика, Ванюк рольне – Петров Сергей, Чечеклĕ кăмпа – Борцов Кирилл, Мулкач – Павлова Юлия,Чĕрĕп – Петров Глеб, Пакша – Сергеев Владимир, Кашкăр – Васильев Андрей ăста вылярĕç. Ертсе пыраканĕ Васильев Максим пулчĕ. Юмах пурне те килĕшрĕ. «Пĕчĕк артистсене» нумайччен алă çупса тав турĕç. Юмах вĕçленсен те ачасем часах киле каясшăн пулмарĕç, татах юмах лартса пама ыйтрĕç.