Иван Яковлевич Яковлев чăваш халăхĕшĕн, чăннипех те, манăçми çын. Вăл – чăваш алфавичĕн никĕслевçи, вĕрентекен, ăсчах. И.Я. Яковлев литература  анинче те тарăн  йĕр хăварнă. Унăн «Ача-пăча калавĕсем» ятлă кĕнеки ăса вĕрентекен хайлавсемпе пуян. 5-мĕш класра «И.Я. Яковлев калавĕсене  пĕлетĕр-и?» викторина  иртрĕ. Ачасем  Аслă Вĕрентекенĕмĕрĕн калавĕсем тăрăх тĕрлĕ ыйтусем çине хуравларĕç.  И.Я. Яковлевăн  хайлавĕсенчи  усăллă  сĕнÿсене пурнăç  валли  асра  хăварма шантарчĕç.